"NADAL 18"

Este ano decidiron visitarnos no cole Papa Noel e o Apalpador. Entre os dous deixáronnos caramelos e un fermoso conto titulado "El correo del dragón". 

Gustounos moito a súa visita e así fomos moi contentos de vacacións. Pero antes de marchar cantamos a canción do "Polo Pepe" para outros nenos e nenas do cole.

Nenas e nenos de Ed. Infantil 5ºB

"NOVAS FAMILIAS CONTADORAS"

Esta semana tivemos a sorte de ter no cole a 5 novas familias contadoras. Estiveron con nós Toño o papá de Alba, Sonia a mamá de Daniela, Laura a mamá de Iraila, Ornella a mamá de Thiago e Sabela a mamá de Rodrigo.

Toño coa axuda de Alba contou o conto de "KIWI", un fermoso paxaro que buscaba o seu lugar e...

Sonia e Daniela contaron "A SOPA QUEIMA", unha historia na que a temperatura da sopa pon a proba...

Laura xunto con Iraila contaron a historia de "RAPUNCEL", unha fermosa rapaza pechada nunha torre... 

Ornella tivo de axudante a Thiago para contar "PERDIDO?", a historia dun neno que atopou un pingüin na porta da súa casa e...

Sabela contou coa axuda de Rodrigo o conto "PACO PAPÁN", un neno un pouco vago ao que ás veces non lle resultaba fácil...

Estivemos en grupiños pequenos e gustounos moito que nos contaran tan lindas historias, pasamos un ratiño moi agradable, tanto pequenos como maiores. Agora esperamos con ilusión que máis familias se animen e veñan contar novas historias. Así o disfrutamos

¡¡¡MOITAS GRAZAS aos cinco!!! e aos nosos compañeir@s por compartir un ratiño das súas familias con nós.
Nenas e nenos de Ed. Infantil 5ºB

"CHEGA O NADAL"

Xa estamos en Decembro, o Nadal está cada día máis cerca e nós preparámonos para cantar aos demais unha canción que nos gusta moito:
"O POLO PEPE"

Nenas e nenos de Ed. Infantil 5ºB

"APUNTÁNDONOS Á COMPOSTAXE"

Neste días andamos a voltas aprendendo moitas cousas sobre a compostaxe. O primeiro que nos quedou clariño é que para poder facer un compost axeitado precisamos aprender a reciclar ben. Pensabamos que con separar os restos da comida do resto do lixo xa estaba, pero non é tan fácil. Agora sabemos xa que é o compost, para que serve un composteiro, que podemos atopar nel, que bichiños viven nos composteiros... e moitas cousas máis. 

E tamén nos decatamos  do dano que fai a contaminación no aire, nos ríos, no mar e nos bosques e da importancia da reciclaxe para o noso planeta. Soamente nos queda levar todo o aprendido á práctica.

Nenas e nenos  de Ed. Infantil 5ºB