"CARTA PARA ORBIL"

Como xa sabedes Orbil atopábase un pouquiño triste porque non poidemos ir visitalo. Pero nestes días xa está mellor. Moitas nenas e nenos están a enviarlle cartas e debuxos para que poida pasar estas semanas mellor e non se sinta tan só.
Así que si vos apetece aquí vos deixo a súa dirección e as instruccións para que lles fagades chegar os vosos debuxos. Orbil estará encantado de recibilos.

Clicade nas imaxes para chegar aos diferentes enlaces (Imaxes do Salón do Libro)
Texto que podedes consultar na páxina do Salón do Libro:

#EuQuedoNaCasa e Orbil tamén. Anda un pouquichiño triste pola cancelación do Salón pero... E se xa que quedamos na 🏠, ben podiamos aproveitar para escribirlle unha 📨e entrar no sorteo de DEZ 🔟 lotes de libros (e outras cousas chulísimas!) entre todas as cartas participantes. No buzón do Salón xa recibimos algunhas pero habilitamos hoxe un BUZÓN VIRTUAL 📬📧📨📩📯📜 para todas as propostas que nos mandedes ao email: salondolibro@pontevedra.gal

Podedes usar a carta do programa en papel e facerlle foto e enviala, descargar a carta do web: https://www.salondolibro.gal/programacion-2020

ou facela nun documento word, nun folio, nunha folla de papel reciclado, nun cartón, cartolina, nunha folla de leituga (non, que son para comer!), en papel de WC (menos aínda que escasea!)... no soporte que vos pete, a imaxinación non ten límites! Facede unha foto á carta ou escaneade e enviade! Tedes ata o 26 de marzo e podedes enviar cantas propostas queirades! #OrbilQuedaNaCasa

#NaCasaCoSalón #CulturaNaCasa

"SALÓN DO LIBRO 2020"

Como todos os anos participamos no Salón do Libro elaborando un conto. Este ano unimos o tema do Salón: HUMOR, co tema do noso proxecto anual: UN MUNDO DE FANTASÏA.

Traballamos durante días para poder rematar a tempo e fixémolo colaborando cos nenos e nenas da profe Carmen,

Empezamos pintando a base para o traballo que presentamos entre todo o ciclo de Ed. Infantil, un cogumelo xigante.

Cando rematamos de pintar a base comezamos a traballar no libro. Fixemos os textos, os debuxos e logo xa non quedaba máis que facer a montaxe final.

E cando xa casi estaba rematado tivemos a visita sorpresa de Orbil que viu invitarnos a visitar o Salón. Aquí están as fotos dese día e tamén o resultado final do noso traballo.

Salón do Libro 20
Nenas e nenos de Ed. Infantil 6ºB

"VISITA AO SALÓN DO LIBRO 19"

Como todos os anos visitamos o Salón do Libro para visitar a Orbil e facer un percorrido por todas  as salas decoradas e as obras expostas. Durante a visita puidemos disfrutar dunha fermosa actuación musical e tamén ver o noso traballo xunto cos doutros centros.

Unha das cousas que nos fixo máis ilusión foi que Orbil estivese esperando por nós á chegada. No remate da visita tamén tivemos ocasión de escoitar ao coro da Xunqueira e con eles rematamos a visita e voltamos ao cole.

Nenas e nenos de Ed. Infantil 5ºB

"PASO A PASO AO REVÉS"

Nestes días estivemos traballando coas nenas e nenos da profe Carmen para rematar o noso conto do Salón do Libro e poder levarllo a Orbil. Quedou ben chulo, pero tivemos que esforzarnos moito para rematalo a tempo.

Estamos moi content@s do resultado, tivemos que:

- elaborar a historia

- facer e recortar os debuxos

- decorar os fondos das páxinas

- escribir os textos de cada parte

- facer varias propostas para o título e decidir a que máis nos gustaba

e finalmente poñernos dacordo na montaxe do libro para que o resultado nos agradase a tod@s.

Ás veces traballamos cada grupo por equipos na súa clase e outras fixémolo xuntos e nos organizamos moi ben.

Aquí tendes o resultado

E xa listo para marchar cara o Salón do Libro cos outros libros de Infantil. A montaxe final é froito do traballo de todo o alumnado do ciclo. Estamos moi orgullos@s do noso "Mundo do Revés".

Nenas e nenos de Ed. Infantil 5ºB