"APUNTÁNDONOS Á COMPOSTAXE"

Neste días andamos a voltas aprendendo moitas cousas sobre a compostaxe. O primeiro que nos quedou clariño é que para poder facer un compost axeitado precisamos aprender a reciclar ben. Pensabamos que con separar os restos da comida do resto do lixo xa estaba, pero non é tan fácil. Agora sabemos xa que é o compost, para que serve un composteiro, que podemos atopar nel, que bichiños viven nos composteiros... e moitas cousas máis. 

E tamén nos decatamos  do dano que fai a contaminación no aire, nos ríos, no mar e nos bosques e da importancia da reciclaxe para o noso planeta. Soamente nos queda levar todo o aprendido á práctica.

Nenas e nenos  de Ed. Infantil 5ºB

"LAPIS CON PUNTA DE ACEIRO"

Fomos visitar a exposición do Café Moderno. Como chovía moito tivemos que ir en autobus.

Na exposición estaba Yago que nos falou de 2 pintores moi importantes: Goya e Dalí. Vimos algúns elementos dos seus cadros e coñecemos ao burro Joselito, o cal decoramos e poidemos levar con nós.

EXPOSICIÓN NOV18

"MAMÁS E PAPÁS CONTADORES DE CONTOS"

O luns viñeron ao cole a contarnos contos Andrea a mamá de Arturo, Nuria a mamá de Pablo e David o papá de Manu.

Fomos xuntos á biblioteca e alí fixemos tres grupos cos contadores.

David con Manu de axudante contounos o conto "ONDE ESTÁS CARACOL?", a historia dun caracol e unha lagartiña que un día se cruzaron no camiño e...

 Andrea coa axuda de Arturo contounos o conto de "TROCO", a historia da ovella Catarina, unha ovella que cada tarde preparaba unha cunca de chocolate e sentaba a ler na súa cadeira favorita...

 E Nuria con Pablo de axudante contounos o conto de "OSO ATRAPABOLBORETAS", a historia dun osiño que vivía no bosque e que o máis lle gustaba era andar de paseo e coleccionar cousas que atopaba...

E así contando pasamos un moi bo rato con eles, e tanto que pensamos que nos gustaría que volvesen outro día e tamén outras mamás e papás fixesen o mesmo.

Mirade que fotos máis chulas temos deses momentos

¡¡¡MOITAS GRAZAS aos tres!!! e a Manu, Pablo e Arturo por deixarnos disfrutar coas súas familias.

Nenas e nenos de Ed. Infantil 5ºB

"OBRADOIRO DE PAN"

Neste mes de novembro puidemos disfrutar no cole dun obradoiro de pan. O panadeiro chamábase Miguel e antes de amasar explicounos como tiñamos que facer e que ingredientes precisamos para facer un rico pan. Agora xa sabemos cales son:

FARIÑA

AUGA

FERMENTO

SAL

Tamén é importante deixar repousar a masar antes de metela no forno. Así nos explicou Miguel

E agora tocounos traballar a nós, amasamos e amasamos ata que o noso pan estaba listo

Obradoiro de Pan
Nenas e nenos de Ed. Infantil 5ºB